جسٹس قاضی فائز عیسی نا چیف جسٹس نا وڑ تعیناتی نا ستاءِ کینہ‘ امان اللہ کنرانی
Get real time updates directly on you device, subscribe now.
کوئٹہ : سپریم کورٹ بار ایسوسی ایشن نا مسکوہی صدر امان اللہ کنرانی جسٹس قاضی فائز عیسیٰ نا چیف جسٹس پاکستان نا وڑ پن کننگ ناستاءِ کرسا پارینے کہ سپریم کورٹ پاکستان اٹ بلوچستان ناسوگو نمائندگی و توار و بلوچستان نا بہادر آ فرزند جسٹس قاضی فائز عیسیٰ اسہ بھلو وخت اسے آن اسہ پڑک اسے ناکنڈآن مخاصمانہ مزاحمت و مذموم مسخت نا رد اٹ آزمائش نا گواچی مسنے۔ اینو اللہ تعالی ہندن حالیت ودی کرے ہرا صدر مملکت اونا برخلاف ریفرنس راہی کریسس اینو ہمو صدرمملکت جسٹس قاضی فائز عیسی نا وخت آن مست چیف جسٹس سپریم کورٹ پاکستان نا تقرری نا نوٹیفکیشن جاری کرسا تینا مستین نا بے بنداو کارروائی ءِ حرف غلط آنبار مٹائفسا بے بنداو پک کرے و قاضی فائز عیسیٰ مست آنبار اینو ہم اسہ وار ولدا سرخرومس‘ نن اودے است انا ہُب اٹ مبارکبادی ایتنہ۔
(آن لائن)