پاکستان پولیس فٹبال ٹیم فائنل ءِ تینا پن آ کرے
کوئٹہ: 34 نیشنل گیمز انا اولیکو مرحلہ ٹی پاکستان پولیس فٹبال ٹیم فائنل ءِ تینا پن آ کرے۔ کوئٹہ ٹی 12 مئی آن بنا مروک 34نیشنل گیمز انا اولیکو مرحلہ تدوک آ دے نرینہ ونیاڑی تا فٹ بال فائنل آن ایسر مس‘ اولیکو مرحلہ ٹی پاکستان پولیس فٹبال ٹیم جوان کارکڑد نشان ترسا پاکستان ایئر فورس ءِ کٹا۔ دا وخت آ ایڈیشنل آئی جی و ڈائریکٹر اسپورٹس بورڈ بلوچستان پولیس جواد احمد ڈوگر پارے کہ اسپورٹس نا بابت بلوچستان پولیس ءِ کل آسراتی تے فراوان کننگ ءِ اولیت ایتنہ۔ بلوچستان پولیس نا گوازی گرک دے ونن خواری کرسا گوتے ٹی بشخ ہلکر و تینا لائخی تے منفیر‘ ننا گوازی گرک کچ اٹنگا وسیلہ غاتیان پد ہم جوان کارکڑد نشان تننگ اٹی ءُ۔
(خ ن)