عمران خان مخالف آتا برخلاف خار تالان کرے‘ داسہ جند تے گواچی ءِ‘ رانا ثناء اللہ
Get real time updates directly on you device, subscribe now.
فیصل آباد : پاکستان مسلم لیگ (ن) پنجاب نا صدر و بنجائی وزیرداخلہ رانا ثناء اللہ پارینے کہ عمران خان مخالف آتا برخلاف خار تالان کرے اینو مکافات عمل نا پلویڑ اٹ بسنے۔ عمران خان تینا دور حکومت اٹ اسہ شونداری کاریم اس ہم کتو‘ عمران اسہ فتنہ اسے ہرا برانز‘دھرنا غان بیدس پین ہچ کتو۔ فیصل آباد اٹ کارندہ غاتتون ہیت وگپ کرسا او مستی پارے کہ 2018 ٹی ڈٹ انا رد اٹ مسلم لیگ (ن) نابرخلاف سازش کننگا‘ عمران خان جیل آن ہنداخس خلنگ ءِ کہ مخلوق ءِ اسپر جوڑ کرینے تینا کارندہ غاتے شرپسندی ہیل تس‘ پی ٹی آئی نا شرپسند آک حساس ملکیت آتیا جلہو کریر۔ رانا ثناء اللہ پارے کہ عمران خان مخالف آتا برخلاف دروغ نا مقدمہ جوڑ کرے‘ اودے تینا مخالف آتے جیل کننگ نا بھاز شوق ئس‘ عمران خان سیاست اٹ کرینگ ناکلچر ءِ مون آایس۔ عمران خان پاریکہ کہ اگہ کنے دزگیر کننگا تو ردعمل بریک۔
(آن لائن)