اسپیکر و ڈپٹی اسپیکر قومی اسمبلی نا اسلم بٹ نا کزیت آ ڈکھیائی وا ست ہسونی

اسلام آباد: اسپیکر قومی اسمبلی راجہ پرویز اشرف و ڈپٹی اسپیکر قومی اسمبلی زاہد اکرم درانی ئسک سینئر صحافی اسلم بٹ نا کزیت آ ڈکھیائی و است ہسونی نا درشانی ءِ کرینو۔ دوشنبے نادے آ تینا ہڑزخواہی کلہو اٹی اوفک پاریر کہ اسلم بٹ اسہ قابل، ایماندار و نرزور ءُ انسان اس ئسک ہرا تینا صحافتی زموار تے مدام جوان وڑاٹ بے خوف وخلیس پورو کرے۔ اونا کزیت آن صحافتی دنیا ٹی ودی مروک آ خلا تادیر پُرکننگ مفک۔ اوفک دعاکریر کہ اللہ تعالیٰ ایماندار ءِ جنت اٹ جاگہ ایتے و اونا خاہوت آتے دا صدمہ ءِ سگنگ نا ہمت و حوصلہ عطاکے۔

(اے پی پی)