سینیٹ نا قائمہ کمیٹی امور خارجہ نا دیوان 25 مئی آ مریک
Get real time updates directly on you device, subscribe now.
اسلام آباد: سینیٹ نا قائمہ کمیٹی امور خارجہ نا دیوان 25 مئی آ پارلیمنٹ ہاؤس اٹی مریک۔ سینیٹ سیکرٹریٹ نا رداٹ شنگھائی کمکار تنظیم (ایس سی او) نا وزرائے خارجہ کونسل نا بھارت اٹی مروک آ ساڑی آ دیوان اٹی وزیرخارجہ بلاول بھٹو زرداری نا بشخ ہلنگ آن پاکستان ءِ دوئی مروک سفارتی، اقتصادی، امن و سلامتی و سٹریٹجک ہدف آتا بارواٹی حوال تننگک۔ دیوان اٹی بشخ ہلوک آتے بھارت نا غیر کانودی کوزہ ٹی جموں وکشمیرا ٹی جی 20 ملک آتا دیوان و تعلقدار ملک آتے دیوان آن مست پاکستان نا موقف آن آگاہی نا بارواٹی ہم حوال تننگک۔ دیوان ءِ دا ہیت آن ہم معلومدار کننگک کہ چین نا جی۔ 20 انا بائیکاٹ جہانی برادری خاص وڑٹ جی ٹونٹی ملک آتے دا باور کرفنگ نا گچین ءُ موقع اس پک مننگ کیک کہ جموں وکشمیر اقوام متحدہ نا قرارداد آتا رداٹ اسہ جھیڑہ ئی علاقہ سے۔
(اے پی پی)