گوادر شار اٹ 10 دے اسکان دکان تے بند کننگک‘ڈپٹی کمشنر
Get real time updates directly on you device, subscribe now.
گوادر (خ ن) کورونا وائرس آن شاری تے رکھنگ کن ڈپٹی کمشنر گوادر کیپٹن (ر) محمد وسیم گوادر شار اٹ 10 دے اسکان دکان تے بند کننگ نا پارت کرسا پارے کہ ضلعی انتظامیہ و انجمن تاجران فیصلہ کرینو کہ کنوئی آ گڑاتیان بیدس ایلو بھلا دکان تے دَہ دے اکن بند کننگے۔ اوپارے کہ کورونا وائرس آن شار ءِ رکھنگ نا اسٹ انگا وڑ حکومت بلوچستان ناکنڈآن جاری کروک رکھی گام گیج آک ءُ ہرافتیا شاریک کوروناوائرس آن تینے بچفنگ کیرہ۔ جنت بازار تون اوار شار اٹ آٹو پارٹس، کاسمیٹکس، کلاتھ مرچٹ، درزی، الیکٹرونک شاپ، اسٹیٹ ایجنسی ایلو غٹ دکانک ہرافتا ہڑدے ئی زند اٹ گرج اف اوفتے بند کننگک وخت اس کہ جنرل فوڈ آئٹمن‘ راشن شاپ، سوزی مارکیٹ، پال/ انا دکانک ملوک مریرہ۔داکان بیدس میڈیکل اسٹور تون اوار ککڑ و سو انا دکانک ملوک مریرہ