برطانوی کانود نا رد اٹ سزا کنوک بندغ اوڑے رہینگ کپک، شہزاد اکبر

اسلام آباد(آن لائن) سلاہکار داخلہ شہزاد اکبر اسلام آبادہائیکورٹ اٹ میڈیا تون ہیت وگپ کرسا نواز شریف نا پدی اتنگ کن گام گیج و تحریک نا پڑو نا بابت سوج آ پارے کہ لیڈر آن بیدس ہرا تحریک مریک؟ نواز شریف غیرت اٹی برے و تینٹ پدی ملک آ برے، نواز شریف ءِ پدی اتنگ نا معاملہ اسحاق ڈار و ایلو بندغ آتیان جتا ءِ، شہزاد اکبر پارینے کہ حکومت نا سلاہ ئس کہ ایشورٹی بانڈ آتیا نواز شریف ءِ پیشن ہننگ کن ہلنگے، عدالت پرمان تس کہ ایشورٹی بانڈ انا جاگہ غا بندغی ضمانت آ پیشن ہننگ کن ہلنگے، اگہ نواز شریف تون ہشت ارب نا ایشورٹی بانڈ جمع مسکہ تو تینٹ پدی بسکہ، شہزاد اکبر پارینے کہ نواز شریف سزا کنوک ءُ دوبہ دار اسے، برطانوی کانود آ سزا کنوک آ دوبہ دار ءِ ملک اٹ تخنگ نا برخلاف ءِ۔