سیرت سرور کائناتؐ 11

حاجی شاہ بیگ شیدا

0

Get real time updates directly on you device, subscribe now.

آز میفینے رب گچین آ ہر نبی پیغمبر ءِ

غور کین نن فکر داڑا حِکمت اس نن کن ارے

کر نی اسماعیؑل ءِ قربان دا رضا ءِ رب انا

دُن مُسہ نن وارا وار آ ابراہیؑم تُغ اس خنا

بی بی آ مل/ آ کرے اُست انا احوال سر

اُست خواہی اس کبو نم داسہ پابو کیو امر

بس شیطان نیام اٹی تا اے کسر آن چَپ تروک

ارے، اروت، مل/ انا او نیام اٹی خاخر دَسَوک

است اٹی بی بی نا شاغا مل/ اکن تے دا وڑ اٹ

مل/ ءِ دُو آن نا ہلیک او جوان پُہہ مہ دا رِد اٹ

پارے مل/ ءِ پُہہ مہ نادان داسہ باوہ نے تڑک

نا دِتَر وہے ڈغار آ انت اللہ ءِ وڑک

بی بی سوچا پارے اُست اٹ چخ مہ شیطان نی لعین

وسوسہ شاپہ نی اُست اٹ اف کنے نے آ یقین

لا شریک آ رب ننے آ مہربان ءِ داخہ در

تُغ خلؑیل نا راست و حق ءِ چپ و چوٹ ءِ نا کسر

او نبی ؑ ءِ وخت انا دُن اونا ہیت آک راست اریر

حاجرہ و مل/ تے تینا رب اکن قربان مریر

پارے اسماعیؑل چاوہ نی کسر تیان چَپ کروک

باوہ قربان کے کنے کپ داڑکن انتئے نی ہشوک

حکم ءِ اللہ نا ہرا وڑ چاسہ او ہچ چپ مفک

ای مریو قربان اوڑکن چپ مہ داکان نی ہِنک

باوہ ءِ پارے ادا کہ زو اس حکم ءِ رب انا

وسوسہ شیطان شاغے رب ننے ایتے پناہ

ہفتئی تلار

تاک: 34

05 September 2020

پنہ، 4

Get real time updates directly on you device, subscribe now.

Leave A Reply

Your email address will not be published.