آرمی چیف نا پاک فوج ءِ سول انتظامیہ نا کمک ءِ ترند کننگ نا پارت

راولپنڈی (مانیٹرنگ ڈیسک) ملک اٹ کورونا وائرس نا کیس آتیٹی ودکی نا سوب آن آرمی چیف جنرل قمر جاوید باجوہ پاک فوج ءِ سول انتظامیہ نا کمک ءِ ترند کننگ نا پارت جاری کرینے۔

پاک فوج نا شعبہ تعلقات عامہ (آئی ایس پی آر) نا رداٹ پاک فوج نا کماش جنرل قمر جاوید باجوہ پارینے کہ  ہر اسہ بندغ ءِ کورونا وائرس آن تینے بچفنگ کن گام گیج کروئی تمک۔ مستی او پارینے کہ اولیکو ہر اسٹ ءِ جوان ءُ شاری اس مننگ المی ءِ، اوکان گڈ اجتماعی کہول آ حکومتی ادارہ غاتا کوشست آک سرسہب مننگ کیرہ۔