ایم پی اے مولانا ہدایت الرحمن نا گوادر اٹی تعلیمی ادارہ غاتا دورہ

گوادر، صوبائی اسمبلی نا باسک مولانا ہدایت الرحمن بلوچ گوادر یونیورسٹی، گورنمنٹ بوائز ڈگری کالج و گورنمنٹ گرلز ڈگری کالج نا دورہ ءِ کرے، ہراڑے او تعلیمی سرجز، طالب علم آتا حاضری، تدریسی باندات و ادارہ غاتے مون تروک ویل آتا جاچ ءِ ہلک۔ گوادر یونیورسٹی ٹی وائس چانسلر عبدالرزاق صابر، پروفیسر منظور و ایلو زموار آتتون اوڑدہی نا وخت آ یونیورسٹی نا تعلیمی و انتظامی حالیت و طالب علم آتے مون تروک ویل آتیا خوڑتی اٹ گپ وتران کننگا۔ وائس چانسلر یونیورسٹی کن بس اتون اوار ایلو گرج آتیان معلومدار کرے۔ مولانا ہدایت الرحمن بلوچ باوری کرفے کہ یونیورسٹی نا گرج آتے پورو کننگ کن گورنر بلوچستان و وزیراعلیٰ بلوچستان تون اوڑدہی کرسا کوشست کننگک۔ داکان پد ہم بوائز و گرلز ڈگری کالج آتادورہ ءِ کرے و کلاس روم تیٹی طالب علم آتا حاضری، تدریسی سرجز و اسٹاف نا حاضری نا جاچ ءِ ہلک۔