ویسٹرن اینڈ سدرن اوپن ٹینس ٹورنامنٹ پگہ بنا مریک
Get real time updates directly on you device, subscribe now.
نیویارک (مانیٹرنگ ڈیسک) ویسٹرن اینڈ سدرن اوپن ٹینس ٹورنامنٹ پگہ غان امریکہ نا شار نیو یارک اٹ بنا مریک۔ حوال نا رداٹ ٹورنامنٹ نا سرسہب آ اڈ تننگ کن تیاری تے پورو کننگانے۔ ٹورنامنٹ اٹ دنیائے ٹینس نا پنی آ نرینہ گوازی گر ٹائٹل نا دوئی کننگ کن مقابلہ کیرہ۔ ٹورنامنٹ اٹ جتاجتا کیٹیگری تا مقابلہ غاک مریرہ ہرافتے ٹی مینز سنگل و مینز ڈبل ہندن ویمنز سنگل و ویمنز ڈبل نا مقابلہ غاک اوار ءُُ۔ ٹورنامنٹ یو ایس ٹی اے نا بیلی جین کنگ نیشنل ٹینس سینٹر نیو یارک اٹ گوازی کننگک۔ خدو ٹورنامٹ اٹ نرینہ غاتا سنگل مقابلہ غاتے ٹی روس نا گوازی گر ڈینیئل مدویدوف ٹائٹل ءِ تینا پن آ کریسُس وخت اس کہ مینز ڈبل مقابلہ غاتے ٹی کروشیا نا آئیوان ڈوڈگ و اونا سلوواکین جوڑی دار فلپ پولاسک ٹائٹل ءِ کٹاسُس۔ ہندن ویمنز سنگل ٹائٹل امریکی ٹینس گوازی گر میڈیسن کیز کٹاسُس وخت اس کہ ویمن ڈبلز نا ٹائٹل ءِ جمہوریہ چیک نا لوئس ہراڈیکا و اونا سلوانین جوڑی دار اینڈریجا کلپک تینا پن آ کریسُس۔ ٹورنامنٹ 20 اگست آن بنا مرسا نو روز برجا سلنگ آن پد 28 اگست آ ایسر مریک۔