قومی ادارہ غاتیا تنقید نا مذمت ءِ کینہ‘ میر عبدالقدوس بزنجو

کوئٹہ : وزیراعلیٰ بلوچستان میر عبدالقدوس بزنجو پیش ملک پاک فوج نا کماش و ادارہ نا برخلاف مہم نا مذمت ءِ کرینے۔ تینا بیان اٹ وزیراعلیٰ پارینے کہ اسہ منظم سازش اسے نا رداٹ ملک انا پروقار ادارہ ءِ تنقید کننگ انگ ءِ۔ وز یراعلیٰ نا پاننگ ءِ کہ مسخت آتا دوئی کننگ نا مہم آن پاکستانی قوم اٹ کیہی ویل آک مون آ بریرہ۔او پارینے کہ پاک فوج نا کماش نا برخلاف منفی پرا پیگنڈہ ملک دشمن بندغ آتا ایجنڈا پوروی ءِ۔ بلوچستان نا محب وطن و غیور اُلس ہنداوڑ نا ہر سازش نا مذمت ءِ کیک۔ وزیراعلیٰ پارینے کہ پاک فوج ملک انا سالمیت رکھ و استحکام نا ضامن ءِ۔ و نن بحثیت پاکستانی قوم قومی سلامتی نا ادارہ تون سلوک اُن۔

(خ ن)