ملک عبدالعلی کاکڑ بلوچستان نا سیاست نا استار اسے، بہادر خان مینگل
Get real time updates directly on you device, subscribe now.
<strong>نوشکے : راہشون بلوچستان سردار عطااللہ خان مینگل نا متکن آ رفیق کار بلوچ پشتوں یکجہتی نا علمبردار ملک عبدالعلی نا برسی نا بابت اٹ بلوچستان نیشنل پارٹی نوشکے نا کنڈآن مینگل فارم ھاوس اٹ اسہ ہڑزخواہی ریفرنس اس ضلعی صدر حاجی میر بہادر خان مینگل نا کماشی ٹی اڈ ہلک۔ ہراٹی مرکزی پروفیشنل سیکریٹری نذیر بلوچ، ایم پی اے نوشکے و مرکزی ایگزیکٹیو کمیٹی نا باسک میر محمد رحیم خان مینگل، سی ای سی ممبر میر خورشید احمد جمالدینی، مسکوہی ضلعی صدر بی این پی نوشکے و چیئرمین پروکیورمنٹ کمیٹی کیسکو میر عطا اللہ مینگل آن بیدس ضلعی کابینہ نا کمامدار آک بھلو کچ اسے ٹی بشخ ہلکر۔ ترانکار آک تینا تران اٹ پاریر کہ ملک عبدالعلی کاکڑ نا سیاسی خدمت آک کس اسے آن ڈھوک افس۔ او بلوچستان اٹ رہنگوک آ بلوچ و پشتون برادر اقوام نا یکجہتی نا علمبردار ئس۔ او مچ آ زند بلوچستان نا پد تموک آ قوم تا قومی جمہوری جہد انا خاطر، وسیلہ غاتا غیر منصفانہ بشخ وپانٹ، محکوم قوم تا سامراجی و اوفتا دلال قوت آتا کنڈآن جوڑ کروک آ نظام نا برخلاف جنگ کریسہ کرے۔
(آن لائن)