سنگت ادبی کاروان بیسیمہ نا کنڈ آن مچّی

سنگت ادبی کاروان بیسیمہ نا کنڈ آن مچّی اس اڈ تننگا، ہراٹی سنگت ادبی کاروان نا پوسکن آ کابینہ ءِ جوڑار۔

دا مچّی سنگت ادبی کاروان بیسیمہ نا مست انا چیئرمین عصمت بلوچ نا کماشی ٹی مس، دا مچی مسہ ٹک انا آ مس، دا مچ آ ٹک آتا زی آ ہیت و گپ مس۔ مچی ٹی سنگت ادبی کاروان نا باسک آک و ایلو علاقائی مخلوق بھلو گونشت اسے ٹی ساڑی ئس۔ مچی نا کماشی ءِ عصمت بلوچ و ایلو کاروائی تے مسکوہی و پوسکن آ جنرل سیکرٹری ابرار برکت سر تس۔ دا پروگرام نا بنا ءِ تلاوت کلام پاک آن کننگا، ہرانا بختاوری ءِ پنی آ مذہبی استاد حافظ عبدالواحد دوئی کرے۔ دا مچی ٹی سنگت ادبی کاروان بیسیمہ نا پوسکن آ کابینہ جوڑ کننگا۔

کابینہ نا سنگت آتا پنک دا وڑ ءُ:

چیئرمین: جبار صافی

وائس چیئرمین: وحید ہمراز

جنرل سیکرٹری: ابرار برکت

ڈپٹی جنرل سیکرٹری: نصرت فتح

پریس سیکرٹری: میراحمد شاکر

کلچر سیکرٹری: شفیق ساسولی

فنانس سیکرٹری: سدیر ساجد

جنرل باڈی و سنٹرل کمیٹی کن گلفام شبیر ایڈوکیٹ، عبدالطیف، پنی آ مذہبی استاد حافظ عبدالواحد، و ہاشم ہاشمی گچین کننگار۔

پروگرام نا اخیر اٹی مشاعرہ اس اڈ تننگا، ہراٹی شاعر آتا بھلو کچ اس بشخ ہلک۔

ہفتئی تلار
تاک: 35
24-18 ستمبر 2021ء
پنہ: 06