ڈکوئی آ برام

ارے ابا بھلو نیکی حرام اس

کرینے آئی آن ڈکوئی برام اس

……..

برام انصاف اٹی جوان ئس کروسس

اُرا غا تینا مست آنبار بروسس

باٹی تے کس شاتوکہ لغام اس

کرینے آئی آن ڈکوئی برام اس

……..

اُرا غان ہفتہ غاتا ہفتہ شاٹ ءِ

چنکا آئی تو ایڑے لاٹ ماٹ ءِ

خنانے تین کن جوان ءُ کدام اس

کرینے آئی آن ڈکوئی برام اس

……..

ہرادے آ کہ سئی مس امّا

ابا غان گوہنگک ہفتہ و جمعہ

مرو حیران ہراڑے تیر کیو شام اس

کرینے آئی آن ڈکوئی برام اس

……..

دا شش تُو ءِ نن کن خڑچ اتپک

ایڑے قالین دیک داڑے پڑچ اتپک

امر زُو مس او دُن زن غلام اس

کرینے آئی آن ڈکوئی برام اس

……..

فریادی بڈی ءِ چاوہ سئی کرینو

کہ ادّا تون دن ءُ تادی کرینو

سخت جکک ہلکنے اودے زکام اس

کرینے آئی آن ڈکوئی برام اس

ہفتئی تلار،

تاک25

27 June 2020

پنہ، 8