ہیلتھ اسٹاف ہسپتال آتیٹی ساڑی گری ءِ پک کے، سوبان دشتی

لورالائی: ڈپٹی کمشنرلورالائی سوبان سلیم دشتی ناکماشی ٹی ڈسٹرکٹ ہیلتھ کمیٹی نا دیوان ڈی سی آفس لورلائی ٹی اڈہلک دیوان اٹ ڈسٹرکٹ ہیلتھ آفیسر میاں ناصر شیخ، ایم ایس ڈاکٹر رشیدناصر پی پی ایچ آئی ڈاکٹر فہیم اوتمانخیل ڈپٹی کمشنرلورالائی ءِ ہسپتال نا بابت سرجم بریفنگ تس‘ دیوان اٹ کل ڈاکٹر و کارندہ غاک ساڑی ئسر۔ داوخت آ ڈپٹی کمشنر لورالائی سوبان سلیم دشتی دیوان آن تران کرسا پارے کہ جانجوڑی نابشخ اٹ ڈاکٹر وکل کارندہ غاک تینا حاضری تے پک کیر‘ ہسپتال اٹ ڈاکٹر و اسٹاف نا غیرحاضری ءِ ہچ سگنگ مفک و بفروک ڈاکٹر و اسٹاف نا تنخواہ تے بند کننگ اسکان کارروائی کننگک و ہرا ڈاکٹر واسٹاف آخبتی بتوکہ اودے ملازمت آن برخواست کننگک۔ اوپارے کہ جانجوڑی نا مفت آسراتی فراوان کننگ الس نا بنداوی حق ءِ دا بشخ ءِ حکومت بلوچستان اپنی تینا زمواری تے ٹی اوار کرسا الس ءِ ریلیف فراوام کننگ نا کوشست کننگ اٹی ءِ‘ ہندا سوب آن المی ءِ کہ ضلع لورالائی ٹی الس ءِ درمان نا مفت آسراتی تا فراوانی ءِ پک کننگے۔ او پارے کہ ہسپتال آتے ٹی اسٹاف ءِ تینا ڈیوٹی تیا حاضر مننگ ناپرمان کننگک و آخبت اٹ اوفتا سخت چاروکی ءِ کننگک‘ دیوان اٹ جانجوڑی نابشخ ءِ فعال کننگ کن سخت ءُ فیصلہ کننگا۔ اوپارے کہ جانجوڑی نا بشخ اٹ ہچ ءُ وڑ اسے نا ڈیوالئی و بے پرواہی ءِ سگپنہ۔ دا اسہ ہندن ءُ بشخ اسے کہ دانا برائے راست تعلقداری الس نا جانجوڑی تون ءِ و الس نا درمان ہسپتال ناکارندہ غاتا زمواری ءِ۔

(خ ن)