ایف ڈی اے و ڈریپ اسہ ایلو نا آزموندہ غاتیان فائدہ ہرفرہ، قادر پٹیل

اسلام آباد: بنجائی وزیر جان جوڑی عبدالقادر پٹیل پارینے کہ امریکی ادارہ ایف ڈی اے و ڈرگ ریگولیٹری اتھارٹی (ڈریپ) آب اٹ دوائی تا فراوانی کن اسہ ایلو نا آزموندہ غاتیان فائدہ ہرفرہ، حکومت جعلی و غیر رجسٹرڈ دوائی تا چٹفنگ کن سنبرینگوک ءِ۔ وزارت جان جوڑی نا ترجمان نارداٹ داخیال آتا درشانی ءِ او واشنگٹن اٹی امریکی ادارہ فوڈ اینڈ ڈرگ ایڈمنسٹریش (ایف ڈی اے) نا بڑزکو عہدیدار آتون اوڑدہی ٹی کرے۔ اوڑدہی ٹی پاکستان نا ڈرگ ریگولیٹری اتھارٹی نا تکنیکی کمکاری و تین پہ تینی است خواہی نا امورتیا گپ وتران کننگا۔ داوخت آ چیف ایگزیکٹیو آفیسر ڈریپ ہم ساڑی ئسک۔ بنجائی وزیر جان جوڑی پاریکہ ڈریپ جعلی دوائی تا رپورٹنگ و مارکیٹ اٹی بلاک کننگ کن امریکی ادارہ ایف ڈی اے نا پوسکن آ تکنیکی مہارت آن فائدہ ہرفک۔ ڈرگ ریگولیٹری اتھارٹی ءِ جہانی آب انا رداٹ پوسکن آ وڑتتون ہم گرنچ کننگ اُن و الس ءِ آب اٹ دوائی تا بے سلنگ آ ن فراوانی ءِ پک کننگ اُن۔ عبدالقادر پٹیل پارے کہ جعلی دوائی تا توننگ کن نیشنل ٹاسک فورس اس جوڑ کننگانے۔ جان جوڑی نا بشخ اٹی گچینی کن گچین گام گیج آتے پک کننگ انگ ءِ۔

(اے پی پی)