بنجائی کابینہ چیئرمین نیب نذیر احمد نا تنخواہ و آسراتی تا منظوری ءِ تس

اسلام آباد : بنجائی کابینہ زُوت آتیٹ تعینات مروک چیئرمین نیب لیفٹیننٹ جنرل (ر) نذیر احمد نا تنخواہ و آسراتی تا منظوری ءِ تسنے۔ وزارت کانود نا سمری آ کابینہ غان سرکولیشن نا کمک اٹ منظوری ہلنگا۔ وزارت کانود نا سمری نا رداٹ چیئرمین نیب انا تنخواہ و آسراتی سپریم کورٹ نا جج اسے نا ک منظور کننگانے۔ چیئرمین نیب ءِ ہودہ لکھ روپئی تُو انا تنخواہ، سرکاری ہنکین و اِرا گاڈی تننگ نا منظوری تننگانے۔ چیئرمین نیب اسلام آباد اٹی اِرا کینال نا پلاٹ اس دوئی کننگ نا واکداری تخک۔ چئیرمین نیب ءِ اِرا ہزار یونٹ اسکان بجلی و 600 لیٹر تُو انا پیٹرول ہم فراوان کننگ نا کننگ نا منطوری تننگانے۔ چئیرمین نیب اسہ حساس ءُ پوزیشن اسے تون اہم ءُ زمواری سر تننگ نا پابند مریک۔ یات سلے کہ چئیرمین نیب نذیر احمد 6 مارچ آ نوٹیفکیشن جاری مننگ آن پد زمواری تے سر تننگ نا بناءِ کریسس۔ بجائی حکومت ءِ نیب ترمیمی آرڈیننس نا رد اٹ دا واکداری دوئی ءِ کہ او چیئرمین نیب نا تنخواہ و آسراتی تے پک کننگ کیک۔

(آن لائن)