بلوچستان میں ہیلتھ کیئر سردار اختر جان مینگل نا وژن ءِ، آغا حسن بلوچ

اسلام آباد: بنجائی وزیر برائے سائنس و ٹیکنالوجی آغا حسن بلوچ تینا دفتر اٹ وزارت نا جتا جتا ادارہ غاتا جاچ ہلوک دیوان نا کماشی ءِ کرے۔ بنجائی وزیر آغا حسن بلوچ کامسیٹس انٹرنیٹ سروسز (سی آئی ایس) نا چیف آپریٹنگ آفیسر جمال ناصر ءِ پارت کرے کہ او بلوچستان نا پد تموک آ علاقہ خاص کر بی ایچ یو خضدار، بی ایچ یو وڈھ، بی ایچ یو خاران، بی ایچ یو قلات پندران، بی ایچ یو جنگل و چاغی ٹی شش پین ٹیلی ہیلتھ آسراتی جوڑ کننگے۔ بنجائی وزیر آغا حسن بلوچ پارینے کہ بلوچستان اٹ پڈ پُر آ نیاڑی و چنکا چناتا کہنگ نا واقعہ غاک بھاز زیات ءُ ہرادے مون آ تخسا دا پروگرام ءِ مونی دننگ انگ ءِ۔ بلوچستان اٹ ہیلتھ کیئر نا نظام نا جوانی سردار اختر جان مینگل و بی این پی نا کاریم تیٹی اوار ءِ۔ تانکہ مر انگا علاقہ غاتیٹی ہراڑے حکومتی و پرایؤیٹ ہسپتال آتا سجفنگ کم مریک، ہمو جاگہ غاتیٹی جانجوڑی نا ساڑی ویل آتے ایسر کننگے۔