سبی‘ اُستاد آتا لائخیک تعلیم نا آب کن المی ءُ‘ پروفیسر سید مشتاق شاہ

0

Get real time updates directly on you device, subscribe now.

سبی: میر چاکر خان رند یونیورسٹی سبی ٹی پوسٹ گریجویٹ اسٹڈیز نا کنڈآن اُستاد آتا مسہ دے ئی فیکلٹی ڈویلپمنٹ پروگرام نا ٹریننگ ورکشاپ اس اڈ ہلک۔ ہرانا بنائی دود انا خاص انگا مہمان وائس چانسلر پروفیسر ڈاکٹر سید مشتاق احمد شاہ ئس۔ ہفت سیشن آتا ورکشاپ اٹ پروفیسر ڈاکٹر مہوش ملغانی، ڈاکٹر کامران نعیم، ڈاکٹر محمود الحسن، مس تحسین و مرتضی دا سمنٹ، اکیڈمک لیڈر شپس، یونیورسٹی ٹیچنگ سکلز، ڈسٹنس لرنگ، آسرشن ایویڈنس و لرنگ مینجمنٹ سسٹم آ سیشن کرفنگ وائس چانسلر پروفیسر ڈاکٹر سید مشتاق احمد شاہ فیکلٹی ڈویلپمنٹ پروگرام نا مسہ دے ئی ٹریننگ ورکشاپ نا اولیکو دے آ اُستاد آتا ٹریننگ نا اہمیت آ زور شاغسا پارینے کہ اُستاد آتا لائخیک تعلیم نا آب کن المی ءُ۔ ساڑی دور انا گرج آتا مقابلہ ءِ کننگ کن ٹریننگ ورکشاپ آتا اڈ ہلنگ وخت انا اہم ءُ گرج اسے۔ میر چاکر خان رند یونیورسٹی نا اُستاد آتا ٹریننگ نا چر وخت وخت آ برجا سلک۔

(خ ن)

Get real time updates directly on you device, subscribe now.

Leave A Reply

Your email address will not be published.