ووڈی خوری ءِ چٹفنگ و پلوک آ پیسہ غاتا پدی اتنگ ءِ اولیت ایتنہ، چیئرمین نیب

اسلام آباد(آن لائن)قومی احتساب بیورونا چیئرمین جسٹس(ر) جاوید اقبال نا کماشی ٹی نیب نا دیوان نیب ہیڈکوارٹر اسلام آباد اٹ اڈ ہلک۔ دیوان اٹ ڈپٹی چیئرمین نیب، پراسیکیوٹر جنرل اکانٹیبلٹی، ڈی جی آپریشن نیب و نیب نا کل ڈائریکٹر جنرل آتے ویڈیو لنک انا کمک اٹ بشخ ہلکر۔ دیوان اٹ نیب نا کل کارکڑد انا جاچ ءِ ہلک۔ چیئرمین نیب پارینے کہ نیب کانود نا رداٹ احتساب کل اکن پالیسی تیا سختی اٹ عمل کیرہ۔ نیب نا تعلقداری ہچ ءُ سیاسی جماعت، ڈل یا بندغ اسے آن اف وخت اس کہ نیب انا تعلقداری بیرہ ریاست پاکستان تون ءِ۔ نیب نا افسرک ملک اتون وڈی خوری نا ایسری و وڈی خور بندغ آتون قوم انا پُلوک آ پیسہ غاتا پدی ہلنگ کن تینا فرض آتے قومی فرض تکسا پورو کننگ اٹی ءُ۔