2017-18ءٹی محکمہ جانجوڑی و تعلیم اٹ کل آن زیات کرپشن مسنے، اختر لانگو
Get real time updates directly on you device, subscribe now.
کوئٹہ (آن لائن) پبلک اکاﺅنٹس کمیٹی نا چیئرمین اختر حسین لانگو سال2017-18ءنا آڈٹ رپورٹ اٹ محکمہ جانجوڑی و تعلیم اٹ کل آن زیات کرپشن نا پت ءِ پاش کرسا پارینے کہ حکومتی نا کاٹم خواجہی اٹ محکمہ خزانہ نا افسر و کمامدار آک پبلک اکاﺅنٹس کمیٹی نادیوان اٹ بشخ ہلپسہ۔ بشخ ہلپننگ نا سوب آن پی اے سی تون اوار غٹ باسک و بلوچستان نا الس نا ’استحقاق مجروح‘ مسنے، پبلک اکاﺅنٹس کمیٹی اسہ آئینی ءُ کمیٹی اسے ہرادے کل ورندی ایترہ، محکمہ فنانس نا افسر آتا برخلاف چیف سیکرٹری آ چٹھی راہی کینہ۔ دا خیال آتا درشانی ءِ او صوبائی اسمبلی نا باسک ملک نصیراحمدشاہوانی ونصراللہ زیرے تون اوار پریس کانفرنس کرسا کرے۔ اخترحسین لانگو محکمہ جانجوڑی وتعلیم اٹ کل آن زیات کرپشن نا پت ءِ پاش کرسا پارے کہ سال2017-18 نا آڈٹ رپورٹ اٹ کل آن زیات جانجوڑی و تعلیم اٹ بے وڑی مسنے، پبلک اکاﺅنٹس کمیٹی نا دیوان ئس ولے محکمہ خزانہ نا کمامدار آک بشخ ہلتوس۔