پی ٹی آئی ملک ءِ پرغنگ نا ایجنڈا غا بسوسس، مولانا فضل الرحمن
Get real time updates directly on you device, subscribe now.
فیصل آباد : جمعیت علماء اسلام نا قائد و پی ڈی ایم نا سروک مولانا فضل الرحمن پارینے کہ ملک اٹ لس گچین کاری تا چاگڑد ءِ‘ پی ٹی آئی ہرا ایجنڈا غا بسوسس او ملک ءِ پرغنگ و بھسکاری نا سونامی نا ایجنڈا ئس‘ نن اللہ نا کمک اٹ دا درملکی واکدار آتا ایجنٹ ءِ اقتدار آن کشان‘ ہچ ءُ رجیم چینج اس متو دا ننا سیاسی حکمت عملی ئس کہ پنچ حکومت ءِ پن آنبار تہودرے‘ اینو تحریک انصاف پنانے‘ دا جماعت عبرت نا نشان جوڑ مسنے‘ 9مئی آ ادارہ غاتیا جلہو کرسا ملک دشمنی کننگا‘ورناتے کرینگ کلچر نا گواچی کننگا۔ دا خیال آتا درشانی ءِ او ضلعی امیر مخدوم زادہ سید محمد زکریا شاہ ناکماشی ٹی اوڑدہی کروک ڈل اتون ہیت وگپ کرسا کرے‘ ڈل اٹ ضلعی امیر سید محمد زکریا تون اوار پنی آ صنعتکار سید فہیم محمود شاہ، مسیحی راہشون مسکوہی ایم این اے اعجاز جیکب گل، پاسٹر کنول سہیل، یونس مسیح کوکو و شکیل احمد اوار ئسر‘ اوڑدہی نا وخت آ فیصل آباد اٹ بروک آ گچین کاری و خصوصی نشست نا بابت اہم سلابت کننگا‘ او پارے کہ جمعیت علماء اسلام اسٹ انگا سیاسی جماعت ءِ ہرانا اسہ چنکو کارندہ سے آ ہم کرپشن نا کیس اف‘ بدانگا سیاسی مخالف آک ہم کرینگ آن بیدس پین ہچ کننگ کتوس‘ داکان بیدس ضلعی امیر سید محمد زکریا ناسلہ غا جمعیت علماء اسلام نا سروک مولانا فضل الرحمن فیصل آباد نا دورہ ءِ کیک او جے یو آئی نا کل تنظیم تے پبی گچین کاری مہم چلیفنگ کن گرین سگنل تس۔ اوپارے کہ پنجاب ناالس کل ءِ وونٹ تسنے دا وار جمعیت ناباکڑدار بندغ آتے ہم آزموندہ کیر۔
(آن لائن)