گرین بس زالبول، طالب علم و معذور بندغ آتا آسراتی کن ءِ، بابریوسفزئی
کوئٹہ : وزیراعلیٰ بلوچستان نا ترجمان بابر یوسفزئی کوئٹہ شاراٹی اولیکو وار گرین بس سروس نا بنانا ستاءِ کرسا پارے کہ گرین بس آتا چلیفنگ نا مسخت زالبول، طالب علم و معذور بندغ آتے سفر نا گچین آسراتی فراوان کننگ ءِ، کوئٹہ گرین بس آتا چلیفنگ وزیراعلیٰ بلوچستان میر عبدالقدوس بزنجو نا ویژن ئسک، داخیال آتا درشانی ءِ او سے شنبے نادے آ ”اے پی پی“ تون خصوصی گپ وتران کرسا کرے۔ ترجمان بلوچستان بابر یوسف زئی پارے کہ گرین بس آتا چلیفنگ نا مسخت زالبول، طالب علم و معذور بندغ آتے سفر نا گچین آسراتی فراوان کننگ ءِ، حکومت بلوچستان گرین بس سروس ءِ نئے بیرہ کوئٹہ اسکان بلکن صوبہ نا ایلو ضلع غاتسکان گرین بس سروس ءِ ودفنگک، کوئٹہ شار اٹی ہرالوکل ٹرانسپورٹ نا حالیت زار ءِ ولے داسہ شاریک ایئر کنڈیشن بس آتیٹی آب اٹ سفر کننگ کیرہ، اوپارے کہ وزیراعلیٰ بلوچستان میر عبدالقدوس بزنجو شاری تا مشکل آتے ہرسا تینا قول ءِ پورو کرے۔
(اے پی پی)