مسلم لیگ ق پاکستان و پاک فوج انا سوگوی کن کڑد ادا کیک، ڈاکٹر شکیل روشن
کوئٹہ: کوئٹہ ٹی پاکستان مسلم لیگ ق نا کنڈآن پنچ شنبے نادے آ پاک فوج اتون یکجہتی نا درشانی ءِ کننگ کن ریلی اس کشنگا۔ سوز ہلالی پرچم ہرفوک ریلی ٹی بشخ ہلوک آک پاک فوج انا حق اٹی نعرہ خلکر و نہہ مئی نا زموار آتے سزا تننگ نا خواست کریر۔ پاکستان مسلم لیگ ق انا صوبائی صدر ڈاکٹر شکیل روشن نا کماشی ٹی پاک فوج اتون یکجہتی نا درشانی ءِ کننگ کن مسلم لیگ ق نا کندآن میٹرو پولیٹن آن پریس کلب اسکان ریلی اس اڈتننگا۔ سوز ہلالی بیرک ہرفوک ریلی ٹی بشخ ہلوک آ ک پاک فوج انا حق اٹی نعرہ خلکر۔ داوخت آ پاک فوج اتون یکجہتی نا درشانی ریلی آن تران کرسا پاکستان مسلم لیگ ق نا صوبائی صدر ڈاکٹر شکیل روشن پارے کہ 9 مئی ملکی تاریخ نا تہار انگا دے ءِ، مسلم لیگ ق پاکستان و پاک فوج انا سوگوی کن ہر اول دستہ نا کڑد ءِ ادا کیک، قومی تنصیب آتیا جلہو و پاکستان فوج انا ساکھ ءِ نسخان تروک آءِ سخت آن سخت سزاتننگے۔ اوار بندغ آتے دزگیر کرسا اوفتے اوفتا کروک نا سزا تننگے۔
(اے پی پی)