غزل

اعجاز سنگت

0

Get real time updates directly on you device, subscribe now.

بئے حیات انا ای تخلیق ءِ دیر تسٹ
ہرفیٹ فنا ءِ یعنی تسٹ بقا نا خمب اٹ

یا تو نصیب اٹی ءِ دیگر نا پاس آ دیدن
اومیت فوت کے یا دیگر قضا نا خمب اٹ

نیت آ پیش تماٹ اےکان ثواب اسے نا
دیچا ہراکان بسٹ داڑے گناہ نا خمب اٹ

دروازہ نا قلف آ لگانے زنگ داسہ
چُپیک تدوک ءُ داسہ اُرا نا خمب اٹ

فکری آ سنگت آتا ارمانک بل بلنگ ءُ
پوسکن دڑنگ ءِ فکر اس داسہ سما نا خمب اٹ

آدم نا زادہ اُن نن ڈیک اٹ محمدی اُن
بھلن مرینہ دنیا اماں حوا نا خمب اٹ

ہرفنگ ءِ راج انا دا مچ آ بدن نا سو تے
ودنگ ءِ دے پہ دے آ ٹھپ اس دوا نا خمب اٹ

وخت اس ملاس آ گُٹ آ چاکو اسے نا بنگر
شرم آن دیر مسر دیک ہم خوا نا خمب اٹ

وجدی ءُ دور اسے نا خڑک آن تدوک آ بندغ
افسوز گپ کیسہ نی ہم سما نا خمب اٹ

گوریچ اسے نا بنگُر اعجاز ماتمی ءُ
ہوغنگ ءُ چراغ آک ہم داسہ ہوا نا خمب اٹ

Get real time updates directly on you device, subscribe now.

Leave A Reply

Your email address will not be published.