ویل آتا ایسری کن سنجیدہ مروئی تمک، شہباز نا مودی کن کلہو

مقبوضہ کشمیر اٹی انسانی حق آتا بھلو خلاف وزی مننگ اٹی ءِ، دا بایدے بند مریر، متحدہ عرب امارات نا کماش آک بھارت و پاکستان ءِ مذاکرات نا میز آ اتنگ کن اہم ءُ کڑد اس سر تننگ کیرہ، وزیراعطم

0

Get real time updates directly on you device, subscribe now.

اسلام آباد:وزیر اعظم شہباز شریف بھارتی وزیراعظم مودی ءِ کلہو تسنے کہ مقبوضہ کشمیر تون اوار کل ایسر نا چاری ویل آتے ایسر کننگ کن سنجیدہ ہیت کننگے، وخت اس کہ متحدہ عرب امارات نا کماش آک بھارت و پاکستان ءِ مذاکرات نا میز آ اتنگ کن اہم ءُ کڑد اس سر تننگ کیرہ۔ عرب میڈیا ءِ انٹرویو ترسا شہباز شریف پارے کہ وزیراعظم نریندر مودی کن دا کلہو ءِ کہ او نن تون تولے، و کل ایسر نا چاری ویل آتا ایسری کن ہیت کے، و دافتیٹی مقبوضہ کشمیر نا ویل انا ایسر کن سنجیدہ مروئی تمک۔ او پارے کہ مقبوضہ کشمیر اٹی انسانی حق آتا بھلو خلاف ورزی مننگ اٹی ءِ، دا بایدے بس مریر۔ وزیر اعظم شہباز شریف پارے کہ کشمیری تے بھارتی آئین نا آرٹیکل 370 نا رد اٹ رسینگوک بے سلاہ ئی 5 اگست 2019 نا گام ءِ ہرفنگا۔ او پارے کہ بھارت اٹی اقلیت آتتون ہرا وڑ کہ ناروائی مننگ اٹی ءِ او کل انا مون آٹے، بایدے بھارت ءِ دڑان توننگے، و دنیا ءِ کلہو تننگے کہ او بھرم خنوک ءُ مذاکرات اسے کن تیار مرے۔ وزیراعظم شہباز شریف پارے کہ بھارت ننا ہمسائے ملک ءِ، دن تو نن تینا خوشی اٹ ہمسائے افن، داسہ دا ننے آٹے کہ امن ایمنی کن امر کینہ؟ پاکستان مستین آن ہیل کرینے، پاکستان و بھارت نا نیام اٹ مسہ جنگ مسنو، دا جنگ آتا پد پین غریبی، بے روزگاری و لکھ آ بندغ آتا زند انا آب انا شیفی نا وڑ مونی بسنے۔ او پارے کہ کنا بھارت نا سرکڑدہ غاتے کن و وزیراعظم مودی کن دا کلہو ءِ کہ اوفک نن تون تولر، و کل ایسر نا چاری ویل آتا ایسری کن سنجیدہ ہیت و گپ نا بناءِ کیر۔ مقبوضہ کشمیر اٹی انسانی حق آتا بھلو خلاف ورزی مننگ اٹی ءِ بایدے دافک چٹر۔ و دنیا کن دا کلہو ءِ کہ بھارت ءِ ہیت و گپ کن سنبریفر۔ نن پورو وڑ اٹ ہیت و گپ کن سنبرینگوک اُن۔ شہباز شریف نا پاننگ ئس کہ ہڑتوم آ ملک آک جوہری واکدار ءُ، اگہ خدا کپ جنگ بنا کرے تو دیر زندہ سلک، دا پاننگ کن کہ انت مسوسس؟ وزیراعظم محمد شہباز شریف پارے کہ سعودی عرب، متحدہ عرب امارات (یو اے ای) آنبار پاکستان نا متکن ءُ سنگت ملک اسے، پاکستان نا جوڑ مننگ آن سد آ سال مست برصغیر اٹ رہینگوک لکھ آ مسلمانک سوردریاب و ریک آتا کسر اٹ مکہ مکرمہ و مدینہ منورہ حج و عمرہ نا بختاوری کن ہنارہ، ہندا سوب آن سعودی عرب تون دا تعلقداریک سد آ سال آتیان ہم زیات متکن ءُ۔ او پارے کہ داٹی ہچ ءُ شکبری اس اف کہ کن ادورہ متحدہ عرب امارات بھاز سرسہب مس۔ یو اے ای کنا و لکھ آ پاکستانی تا ارٹمیکو اُرا ءِ۔ واونا پاکستان تون بھاز خڑک ایلمی و سنگتی تعلقداریک گنڈوک ءُ۔

 (آن لائن)

Get real time updates directly on you device, subscribe now.

Leave A Reply

Your email address will not be published.