غزل

درد آتیٹی خمار اُن

خشکاوہ نا بہار اُن

نن سادہ تے پلارک

وا پارہ کہ ہشار اُن

کوک بزدل انگا افن

ہکل نا نن توار اُن

شوک آ تیکن ارا نا

خرما، بَلا، نَہار اُن

خواہس چوہ برینہ

نن تو سلوک قطار اُن

خوشی تے تین کن در نی

نن غم تیٹی اوار اُن

سودا غا چراغ آتا

نن مون انگا تہار اُن

مِش دیسہ ہراڑان نی

ٹھپی آ او ڈغار اُن

چراغ آ تے تے درینو

ہمو تارمہ انگا شار اُن

ائے کہ مفسہ گیرام

یار آ تا ہمو یار اُن

قربان مرینہ نے کن

دا دیک پارہ چار اُن

ہرا شیف متو کاٹم

نن ہم ہمو نا مار اُن

نی غم تروک اسے اُس

نن ہم تو غمگسار اُن

آستونک اسے نا گونڈ آک

سمجھارہ کہ سیاہ مار اُن

جَور آ تا ثمین سِیال آک

ہر کس تو پارہ زار اُن

 

ہفتئی تلار

تاک: 34

17-11 ستمبر 2021ء

پنہ: 04