اسہ کورونا ٹیسٹ 4 کرکٹر آتے 3 میچ آن کشا
Get real time updates directly on you device, subscribe now.
لندن (مانیٹرنگ ڈیسک) انگلینڈ کرکٹ ٹیم نا پنی آ فاسٹ باؤلر ڈیوڈ ویلی کورونا وائرس نا گواچی مسنے ہرانا سوب آن او داسہ وائٹیلٹی بلاسٹ ٹورنامنٹ نا گروپ سٹیج نا ایلو میچ آتیٹی بشخ ہلنگ کپک وخت اس کہ اوڑتون اوڑدہی کروک آ یارکشائر کاؤنٹی نا پین مسہ گوازی گرتے ہم تینٹ قرنطینہ کننگ نا پارت کننگانے۔ حوال نا رداٹ ڈیوڈ ویلی، میتھیو فشر، ٹام کوہلر و جوش پوئیسڈن لنکاشائر نا برخلاف میچ آن جٹ اس مُست دستبردار مس و داسہ تینا ٹیم انا گڈیکو مسہ پول میچ آتیٹی بشخ ہلنگ کپسہ، ڈیوڈ ویلی راجی رابطہ غاتا ویب سائٹ ٹوئٹر آ کورونا وائرس نا رپورٹ نا مثبت بننگ نا امنائی ءِ ہم کرے و نوشتہ کرے کہ ”نما کل انا اُست خواہی تا بھاز بھاز منتواری، ای و کنا اُرائی نا کورونا وائرس نا ٹیسٹ مثبت بسنے ہرانا سوب آن ایلو میچ آتیٹی بشخ ہلنگ کپروٹ و دانا کنے بھاز افسوز ہم ارے۔