پی ٹی آئی کارندہ غاتا نظربندی نا برخلاف درخواست آتیا فریق آتے نوٹس جاری
Get real time updates directly on you device, subscribe now.
لاہور : لاہور ہائی کورٹ پی ٹی آئی نا 453کارندہ غاتا نظربندی نا برخلاف دائر درخواست آتیا پنجاب حکومت تون اوار ایلو فریق آتے نوٹس جاری کرسا 23 مئی آ بٹنگا۔ لاہور ہائی کورٹ نا جسٹس عالیہ نیلم چوہدری زبیر احمد و ایلوفتا درخواست آتیا سماعت کرے ہراٹی پنجاب حکومت نا کنڈآن نظربندی تا گام ءِ چیلنج کننگانے۔ عدالت عالیہ نا روبرو دائر درخواست آتیٹی موقف اختیار کننگانے کہ مسکوہی وزیراعظم عمران خان نا دزگیری آن پد نہہ مئی نا واقعہ غاتا بنداو آ پی ٹی آئی نا 453 کارندہ غاتے نظربند کننگا ہرا برخلاف کانود و آئین اٹی تروک آ بنداوی حق آن چپ گام ءِ عدالت آن خواست ءِ کہ دا غیرکانودی نظربندی تے کالعدم گوندنگے۔
(اے پی پی)