سی پیک آن 2 لکھ 36 ہزار ملازمت ودی مننگ مسنے

0

Get real time updates directly on you device, subscribe now.

بیجنگ : چین نا قومی کمیٹی شونداری و اصلاحات نا ترجمان مینگ وی پارینے کہ دا سال چین پاکستان اقتصادی راہداری نا بنانا 10 می سال دے ءِ، تدوک آ اسہ دہائی ٹی چین و پاکستان اسیجائی سلابت، اسیجائی تفنگ و شریداری آ عمل کرینو۔ چارشنبے نادے آپریس کانفرنس اٹی او پارے کہ چین پاکستان اقتصادی راہداری نا تفنگ و گوادر پورٹ، توانائی، بنداوی پنجر نا تفنگ و صنعتی کمکاری آ چکار کرسا“4+1”کمکاری نا خاکہ اس جوڑ کرینے و مثبت نتیجہ دوئی کرینے و بنائی کساس آتا رداٹ 2022 نا ایسر اسکان چین پاکستان اقتصادی راہداری آن براہ راست 2 لکھ 36 ہزار ملازمت ودی مسنے و پاکستانی ملازم آتا کچ اسہ لکھ 55 ہزار اسکان سرمسنے۔ اوپارے کہ چین پاکستان اقتصادی راہداری بیلٹ اینڈ روڈ انیشی ایٹیو نا اسہ فلیگ شپ ڈٹ اسے، بروک آ ریسہ ٹی چین و پاکستان ہڑتوم آملک آتا راہشون تا نیام اٹ طے مروک اہم امنائی سلاہ غا سنجیدگی اٹ عملدرآمد کینہ،، ات و در، توانائی، صنعت و راجی معاش اٹ کمکاری ءِ ترند کینہ، کشت وکشار، کانڑ کنی، سائنس وٹیکنالوجی، انفارمیشن ٹیکنالوجی و ایلو بشخ آتیٹی کمکاری ءِ پین ودفنہ، آب و کارکڑد ءِ گچین کننگ کن چین پاکستان اقتصادی راہداری کمکاری ءِ پدریسہ مون آ دینہ، و ”بیلٹ اینڈ روڈ“ نا بڑزکو آب انا شونداری کن اسہ نمائندہ ڈٹ اس جوڑ کینہ۔

(اے پی پی)

Get real time updates directly on you device, subscribe now.

Leave A Reply

Your email address will not be published.