سیاسی لیڈر اسے نا زمواری مریک کہ تینا ورکرآتا گچین سیاسی تربیت ءِ کے، آغانصیر میروانی

کوئٹہ : متحدہ قومی موومنٹ پاکستان ڈسٹرکٹ سوراب نا ضلعی صدر آغا میر نصیر میروانی ساڑی آ حالیت آتے مون آ تخسا پارینے کہ اسہ سیاسی لیڈر اسے نا فرض مریک کہ تینا ورکرآتا گچین سیاسی تربیت ءِ کے، او مستی متحدہ قومی موومنٹ پاکستان ڈسٹرکٹ سوراب نا ضلعی صدر آغا میر نصیر میروانی ساڑی آ حالیت آتے مون آ تخسا پارینے کہ اسہ سیاسی لیڈر اسے نا فرض مریک کہ تینا ورکرآتا گچین سیاسی تربیت ءِ کے ولے ہراوڑنا تربیت عمران خان تینا ورکرآتا کرے اوڑان ملک ءِ بے بدل نسخان و بدنامی تون مون تروئی تما، بھاز چنکو وخت اسے ٹی عمران خان و اونا غیرسیاسی معتقدین آک تینا ہی ملک اٹی بھاز منفی سیاست ءِ ترند کریر تخریب کارانہ سرجزآتیان سرکاری ملکیت آتے بھاز نسخان رسینگا، عمران خان نا دور ءِ اقتدار اٹی غلط پالیسی تا سوب آن اینو ملک ءِ بدترین کبینی مون تروک ءِ ہراڑان اینو الس اِرا وخت انا اِرغ آن ہم محروم ءُُ۔ ہندا زرگزرانی بدحالی نا سوب آن ملک اٹی بدامنی، بے چینی و ہڑدڑنا ماحول ءِ۔ اینو پاکستان نا ھالیت آتے خنسا اونا سنگت ملک آک ہم کمک کننگ آن پاناد ءُُ و دااسہ بھاز گڑتی نا ہیت اسے۔