ٹویٹر اسپیس آ مشاعرہ

جعفر قمبرانی

0

Get real time updates directly on you device, subscribe now.

 

ٹویٹر اسپیس آ مشاعرہ اس ابرار برکت نا کماشی ٹی اڈ ہلک، ہرانا خاص انگا مہمان سراج احمد و اعزازی مہمان عصمت بلوچ ئسکہ۔ ہندن شونکاری نا دود آتے ای (جعفر قمبرانی) سر تسٹ۔

محفل اٹ لوامز ادبی دیوان نا سنگت آک نجیب یاسین بلوچ، سراج ثمین و ایلوفک بشخ ہلکر و بلوچستان نا پین چندی جاگہ غاتیان جوان و گچین انگا شاعر آک بشخ ہلسا تینا شاعری و زبان تون مریبت نا درشانی ءِ کریر۔

مشاعرہ ٹی زاہد براہوئی، وحید جان بسیمہ غان و شکیل احمد قمبرانی ہم ساڑی ئسر۔ او تینا ہنین گچین انگا ہیت گپ و شاعری تیٹ محفل ءِ زیبا کریر۔

ٹویٹر اسپیس ءِ جوائن کننگ آن پد سنگت آک بھاز خوشی نا درشانی کریر کہ بلوچستان نا چندی جاگہ غاتیان شاعر آک برسا و اوار مرسا کریر و اسہ ایلو نا توار تے بنسا مہر مریبت بشخار۔ محفل نا گڈ سر اٹ سنگت آک تینا شاعری تے بنفسا محفل نا ہنینی ٹی ودکی کریر۔

گڈ سر اٹ سنگت آک اومیت درشان کرسا موکل کریر کہ ہر وخت دن ءُ آن لائن مشاعرہ مرو و کل سنگت آتے داٹی اوار کننگ نا کوشست مرسا ہنو ءِ۔

یات سلے کہ سوشل میڈیا نا جوان وڑ ٹ کاریم اٹ اتنگ نا گرج ءِ کہ داٹی بیرہ بلوچستان نا آخا کہ پیشن تولوک انگا ننا زبان نا شاعر و ادیب آک ہم آن لائن اسیجا مننگ و تینا شاعری، خیال و نوشت آتے اسہ ایلو تون شیئر کننگ کیرہ۔

دا رداٹ ٹویٹر اسپیس، زوم میٹنگ، ٹیم میٹنگ و پین چندی سافٹ ویئر آتیان فائدہ ہرفنگ مریک۔ ہندا آن لائن یکجا کروک انگا ایپلیکیشن آتیٹی فیسبک پیج و لائیو ویڈیو، انسٹاگرام نا اکاؤنٹ و ایلو ایم آئی ایس (MIS) نا پوسکن بروک انگا آن لائن ایپلیکیشن و سافٹ ویئر آک کاریم اٹ اتنگ مریرہ۔ بس دافتے پہہ مننگ نا، و دافتے تینا زبان، قلم، شاعری و ادب کن کاریم اٹی اتنگ نا گرج ءِ۔

ہفتئی تلار

تاک:06

11-05 فروری 2022ء

پنہ: 07

Get real time updates directly on you device, subscribe now.

Leave A Reply

Your email address will not be published.