درخت تخنگ نا سوچ ءِ ودفنگ کن کل تپہ غاتے کڑدا ادا کروئی تمک‘ ڈی سی بارکھان
Get real time updates directly on you device, subscribe now.
بارکھان: وزیراعظم پاکستان نا ویژن گرین و کلین پاکستان مہم نا رداٹ ڈپٹی کمشنر بارکھان عبداللہ کھوسو پبلک پارک بارکھان اٹ پُل خلسا درخت تخنگ مہم نا بنا ءِ کرے۔ او وخت آ اسسٹنٹ کمشنر بارکھان خادم حسین ڈسٹرکٹ ایجوکیشن افسر نوید لطیف ڈپٹی ڈسٹرکٹ ایجوکیشن افسر طارق محمود کیتھران ڈسٹرکٹ فارسٹ افسر محمد زبیرکاکڑ پی ایس ٹو ڈی سی حبیب خان کھتران و ایلوفک ساڑی ئسر۔ ڈپٹی کمشنر عبداللہ کھوسو پارینے کہ ہتم نا مد بننگ اٹی ءِ۔ داوڑ نا وخت آتیا درخت تخنگ آن سوچ و شعور ءِ اُلسی کہول آ ودفنگ کن کل تپہ غاتے کڑد ادا کروئی تمک۔ انتئے کہ درخت ننے سیخا و سرمایہ ہڑتوم آ گڑاتے ایتک۔ و شاری تے ساف ءُ چاگڑد اس فراوان کیک۔ ڈسٹرکٹ افیسر محکمہ جنگلات محمد زبیر ڈپٹی کمشنر ءِ بریفنگ ترسا پارینے کہ مچ آ ضلع ٹی بیست ہزار درخت خلنگ نا ٹارگٹ ءِ۔
(خ ن)