درخت برکت نا چیدہ، قومی دولت اسے، ڈاکٹر عتیق شاہوانی

0

Get real time updates directly on you device, subscribe now.

لورالائی: ڈپٹی کمشنر ڈاکٹر عتیق الرحمن شاہوانی نا کماشی ٹی سونامی بلین ٹری و درخت تخنگ مہم نا بابت اٹ دیوان اس مس۔ ہراٹی ایڈیشنل ڈپٹی کمشنر قاسم خان کاکڑ، اسسٹنٹ کمشنر ظہور احمد بلوچ، فارسٹ افیسر، ڈپٹی ڈسٹرکٹ ایجوکیشن افیسر جمال الدین اتمانخیل، لیویز انچارج عبدالرحمن اتمانخیل، انجمن تاجران نا جنرل سیکرٹری عثمان جلالزئی، سیٹیزن ایکشن کمیٹی نا کماش اخلاص حمزازئی، بی آر ایس پی نا فرزانہ سیال، پریس کلب نا فنانس سیکرٹری ولی خان کاکڑ آن بیدس ایلو محکمہ غاتا نمائندہ غاک بشخ ہلکر۔ ڈاکٹر عتیق الرحمن شاہوانی ٹین بلین سونامی ٹری پروجیکٹ و درخت تخنگ مہم نا بابت اٹ چیف سیکرٹری نا کنڈآن پارت آتا روشنائی ٹی کمیٹی اس جوڑ کننگ نا نوٹیفیکشن ءِ جاری کرے۔ او وخت آ او بشخندار آتون ہیت وگپ کرسا پارینے کہ درخت برکت نا نشانی ءِ و اسہ قومی ءُ دولت اسے۔ درخت و پُل انا کیہی فائدہ غاک ءُ۔ اوفتا خیال ءِ تخنگ انسان نا فطرت تون گنڈوک ءِ۔ خدو نا شجر کاری مہم اٹی شار انا جتاجتا شاہراہ تیا درخت تخنگ آ تینا خیال آتا درشانی ءِ کرسا پارینے کہ کشت وکشار و جنگلات نا افسرک ہرا بنداو آ کاریم کیرہ کیر۔ ٹین بلین سونامی پروجیکٹ ءِ داوڑ اٹ ممکن کننگ اٹ جوان ءُ رول اس ادا کیر۔ انتئے کہ درخت اخس کہ زیات مریک علاقہ نا تہو ہموخس ساف مریک۔ قدرت ہرا گڑاتے جوڑ کرینے اوفتا سوب آن دا فضائی آلودگی ءِ کم کننگ اٹ اہم ءُ کڑد اس ادا کیک۔ جانجوڑ ءُ راج اسے کن درخت انا اہمیت ودؤسا کننگ ءِ۔ اینو درخت آتا اہمیت نا سوب آن مچ آ دنیا ٹی درخت و پُل خلنگ نا مہم ءِ چلیفنگک۔

(خ ن)

Get real time updates directly on you device, subscribe now.

Leave A Reply

Your email address will not be published.