کورونا نا حالیت اٹ پیدوار گچینی، مچ آ دے 5 کیس رپورٹ

اسلام آباد: مچ آ ملک اٹی 24 گھنٹہ ٹی کورونا دین انا 5 کیس رپورٹ مسنے۔ سے شنبے نادے آ این آئی ایچ نا کنڈان جاری حساب وکتاب نا رداٹ مچ آ ملک اٹی 24 گھنٹہ ٹی اسہ ہزار 865 کورونا ٹیسٹ کننگا ہرافتیان 5 ٹیسٹ مثبت بس۔ داوخت آ کورونا ٹیسٹ انا مثبت کچ 0.27درسد ئس۔ 24گھنٹہ ٹی کورونا دین آن زہمی 12 ناجوڑ آتا حالیت نازرک ءِوخت اس کہ داوخت آ اسہ ناجوڑ اس ہم زوال کتنے۔ مچ آ ملک انا چندی شار تیٹی 24 گھنٹہ ٹی کروک آ ٹیسٹ آتا رپورٹ نا رداٹ اسلام آباد اٹی 192 ٹیسٹ کننگا ہرافتیان 2 بندغ آتا ٹیسٹ مثبت بس و ہموڑے مثبت کیس آتا کچ 1.04درسد ئس وخت اس کہ گلگت بلتستان اٹی کروک آ 166 ٹیسٹ آتیان اسہ ٹیسٹ اس مثبت و کیس آتا کچ 0.60درسد ئس۔

(اے پی پی)