پاکستان اٹی کبینی نا کچ اٹی ودکی نا گمان ءِ، آئی ایم ایف
Get real time updates directly on you device, subscribe now.
جہانی مالیاتی فنڈ (IMF) پاکستان اٹی کبینی نا کچ اٹی ودکی نا گڑتی درشان کرینے۔ ولے بروک آ چار مالی سال اٹ کبینی نا کم سلنگ نا پیشگوئی کرینے۔ جہانی مالیاتی فنڈ پاکستان نا بابت تینا کنٹری رپورٹ جاری کرے۔ رپورٹ اٹی برجا مالی سال 2026-27 اٹ پاکستان اٹی کبینی نا کچ انا حکومتی پک کروک ہدف و تدوک آ مالی سال انا مون اٹ زیات نشان تننگ نا گمان کننگانے۔ رپورٹ نا رِد اٹ آئی ایم ایف برجا مالی سال اٹی کبینی 8.4 درسَد سلنگ نا گمان پاش کرینے وخت اس کہ بروک آ چار مالی سال اٹ کبینی برجا مالی سال آن کم سلنگ نا پیشگوئی کرینے۔ کنٹری رپورٹ اٹی آئی ایم ایف پین پنچ سال پاکستان اٹی کبینی نا کچ انا سنگل ڈیجٹ اٹی سلنگ نا حساب ہم خلکنے۔ آئی ایم ایف نا رِد اٹ تدوک آ اِرا مالی سال اٹ پاکستان اٹی کبینی سنگل ڈیجٹ اٹی ئس۔