الھادی جل جلالہٗ
راست انگا کسر ءِ نشان تروک آو اوٹی سیدھا دروک آ
دا اسم مبارک نا بارو اٹ مسہ سِفت نوشتہ کننگک۔
-1امام زجاجؒ فرمائفک کہ
”الھادی ھو الذی ھدی خلقہ الی معرفتہ و ربویتہٗ وھو الذی ھدی عبادہ الے صراط مستقیم“
بدل: الہادی جل جلالہٗ ہمو ذات ءِ کہ او تینا مے تے تینا مغفرت ربوبیت نا کنڈ آ راہشونی ءِ کیک۔ و اونا ذات تینا بندغ آتے سہی آ کسر آ شاغک۔
-2 امام زجاجی ؒ النھج الاسمی نا جلد 7 انا 270 می پنہ غا نوشتہ کیک :
”اللہ عز و جل (الھادی ) یھدی عبادہ الیہ و یدلھم علیہ و علی سبیل الخیر والاعمال المقربت منہ عز و جل۔“
بدل: اللہ پاک ہمو ہادی آ ذات ءِ کہ تینا مے تے تینے اسکان کسر نشان ایتک۔ و ہمو جوان انگا اعمال آتا کننگ نا توفیق ایتک کہ اوفتا کننگ آن بندغ اللہ رب العزت آن خڑک مریک۔
-3 بھاز آ عالم دینک دا سِفت ءِ ہم نوشتہ کرینو کہ:
”الھادی جل جلالہٗ ہمو ذات ءِ کہ تمام مخلوق ءِ اوفتا کاریم ءِ رماغانے و دا ہم رماغانے کہ ہرا مخلوق تینا خوراک نا پٹ و پول ءِ امر کیک۔ و اوفتے نسخان نا گڑا تیان رکھک، و او تینٹ ہم دن پائک کہ نما پروردگار اُٹ۔ ای نمے جوڑ کرینٹ نما راہشونی ءِ ہم ای تینٹ کیوہ۔
از ابن الحسن ابابکی