غزل
سراج ثمین ، قلات
Get real time updates directly on you device, subscribe now.
درک نی پھل گل کنول سنگت
ننا تو بخت اٹی ءِ خل سنگت
نمے نازیفینن نمے آن پد
نم کن لکھانونک غزل سنگت
ننے آخیر آن ہچ گلہ افک
ننے آ سخت مس ازل سنگت
تہاری اف دا روشنائی ءِ
نی تینا خن تے بیرہ مل سنگت
ہُران اینو نن تینے آدینک اٹ
مسنن اخہ نن بدل سنگت
ننا کچا مکان زیبا ءِ
تفک ماڑی و نی محل سنگت
نن تو داڑے سلوک اُنک مر آ
کرینس دیر ءِ نی بغل سنگت
تخک خیال ءِ نی یار غیر آ تا
ننے بس توفک اس نی خل سنگت
کرین نن عشق دوست دنیا ٹی
مریک پین انت پا اجل سنگت
آخا نے پاپنہ کہ پرغاس تے
کرینے است بیرہ تل سنگت
نن ہم چانہ کہ نے ہنوئی اف
امر نن پان ولے کہ سل سنگت
کرینن عشق یار تینٹ پا
کرونک نن امر عقل سنگت
برک ولدا ثمین پرغ است ءِ
پدا ارمان تے کر قتل سنگت
ہفتئی تلار
تاک:06
11-05 فروری 2022ء
پنہ: 05