وزیر اعلیٰ میر عبدالقدوس بزنجو نا اسلام آباد اٹی سیاسی رابطہ غاتیٹی ترندی

جے یو آئی نا صوبائی امیر مولانا عبدالواسع ، چیئرمین سینیٹ صادق سنجرانی تون ہم ڈَل اتون اوار اوڑدہی،

0

Get real time updates directly on you device, subscribe now.

اسلام آباد (مانیٹرنگ ڈیسک) وزیر اعلیٰ بلوچستان میر عبدالقدوس بزنجو نا اسلام آباد اٹی اہم ءُ سیاسی رابطہ مسنو، دا رد اٹ وزیر اعلیٰ جے یو آئی نا صوبائی امیر مولانا عبدالواسع تون اوڑدہی کرینے، داکان بیدس چیئرمین سینیٹ صادق سنجرانی تون ہم پارٹی راہشون تتون اوار اوڑدہی کرسا سیاسی حالیت آتیا سجفینے۔ حوال آتا رد اٹ وزیر اعلیٰ صوبائی وزیر تتون اوار پارلیمنٹ لاجز آ ہنا، اوڑدے او جے یو آئی نا صوبائی امیر قومی اسمبلی نا باسک مولانا عبدالواسع تون بھلو وخت اسے آ تالان اوڑدہی اس کرے، اوڑدہی ٹی ملک و صوبہ نا سیاسی حالیت آتیا گپ و تران مس۔ اوڑدہی ٹی جے یو آئی و بی اے پی نا نیام اٹ رابطہ غاتے برجا تخنگ آ امنا کننگا۔ دا وخت آ صوبائی وزیرک عبدالرشید بلوچ، میر ضیاء لانگو، محمد خان طور اتمانخیل، مٹھا خان کاکڑ و سینٹر کہدہ بابر اکس ہم ساڑی ئسر۔ داکان بیدس چیئرمین سینٹ محمد صادق سنجرانی تون ہم وزیراعلیٰ بلوچستان میر عبدالقدوس و بلو چستان عوامی پارٹی نا ڈَل اوڑدہی کرینے، اوڑدہی ٹی ملک و صوبہ نا سیاسی حالیت آتیا ہیت و گپ کننگا۔ چار شنبے نا دے چیئرمین سینٹ محمد صادق سنجرانی تون وزیراعلیٰ بلوچستان میر عبدالقدوس، بی اے پی نا سیکرٹری جنرل سینیٹر منظور خان کاکڑ،سینیٹر آغا عمر احمد زئی،صوبائی وزیر عبدالرشید بلوچ،پارلیمانی سیکریٹری محمد خان طور اتمانخیل اسک اوڑدہی کریر، اوڑدہی ٹی ملک و صوبہ نا سیاسی حالیت آتیا ہیت و گپ مس۔ داکان بیدس پارٹی باندات آتیا ہم گپ و تران کننگا۔ و بی اے پی نا انٹرا پارٹی گچین کاری تے زو اڈ تننگ آ ہم امنا کننگا۔

Get real time updates directly on you device, subscribe now.

Leave A Reply

Your email address will not be published.