چاگڑد نا سفائی کن درخت تخنگ المی ءِ‘ شاہنواز خان کنرانی

نصیر آباد : ریجنل محتسب اعلی شاہنواز خان کنرانی و ایڈیشنل ڈپٹی کمشنر نصیرآباد سید فاروق شاہ پل اس تخسا مہم نا بنا ءِ کریر او وخت آ ڈپٹی کنزرویٹر آف فاریسٹ نصیرآباد عبدالنعیم لہڑی پارینے کہ ضلع نصیرآباد اٹ 15 فروری آن 30 جون اسکان اسہ لکھ 29 ہزار ارا سد پل خلنگک۔ وخت اس کہ پانزدہ ہزار پل بشخ وپانٹ کننگک۔ جتا جتا بنائی دود آن تران کرسا ریجنل محتسب اعلی شاہنواز خان کنرانی و ایڈیشنل ڈپٹی کمشنر نصیرآباد سید فاروق شاہ پارینے کہ پل خلنگ صدقہ جاریہ ءِ اُلس دا قومی مہم اٹ جوان بشخ ہلسا دا فرض ءِ پورو کیر۔ تینا گلی خلق آتیٹی زیات آن زیات پُل خلیر تانکہ اوفک درخت اس جوڑ مرسا چاگڑد اٹ مون آ بروک آ آلودگی نا ایسری نا سوب جوڑ مرے۔ او پارینے کہ پل خلنگ جوان ءُ کاریم اسے۔ ہرانا ننے دین اسلام ہم پارت ایتک ہندا سوب آن نن کل دا فرض انا ادا کننگ اٹ کڑد ادا کین۔ اخس پل خلین ہموخس چاگڑد جوان مریک و ننے ماحولیاتی آلودگی آن خلاسی رسینگک۔

(خ ن)