قلات‘ ککڑ نا سو انا نہاد 700ءِ سر مس‘ پرائس کنٹرول کمیٹی نہاد آتے کنٹرول کننگ اٹ بے سہب

قلات : قلات اٹ ککڑ نا سو انا نہاد اٹ بھلو ودکی اس بس، اسہ کلو سو انا نہاد 700 روپئی ٹی بہا مننگ اٹی ءِ، پرائس کنٹرول کمیٹی نہاد آتے کنٹرول کننگ اٹ پورو بے سہب، سرکاری نرخنامہ آ عملدرآمد پن نا گڑاس اف۔ کبینی نا گواچنی آ شاری تا ہلنگ نا وس جواب تسنے۔ نوٹس ہلنگ نا خواست کرینے۔ حوال نا رداٹ قلات اٹ ککڑ نا سو ہفت سد روپئی نا مس۔ ککڑ نا سو بہا کروک آک تینا کبینی کرسا سرکاری نرخنامہ غا عملدرآمد ءِ اف کریر۔ ککڑ بہا کروک آتا پاننگ ءِ کہ اسہ کنڈ آ ککڑ دوئی اف ایلو کنڈ آ اگہ ننے رسینگے تو کبین رسینگک تو نہاد آک اوکان کبین ءِ۔ اُلسی حلقہ غاتا پاننگ ءِ کہ پرائس کنٹرول کمیٹی غیر فعال ءِ۔ اوفک بایدے چیک اینڈ بیلنس ءِ اسہ وڑ تخنگ کن سرکاری نرخنامہ غا عملدرآمد کیر۔

(آن لائن)