آئی ایم ایف نا شڑت، ہر گڑا غا ٹیکس، نہاد آک ودار

اسلام آباد : حکومت سَد آ لگژری گڑاتیا 25درسَد جی ایس ٹی خلنگ نامنظوری ءِ تسنے وخت اس کہ سیلز ٹیکس انا کچ ءِ 17 غان ودفسا 18درسَد کننگ نا فیصلہ کرے۔ ایف بی آر ہمو کل درآمدی لگژری گڑاتیا جی ایس ٹی نا کچ ءِ ودفینے ہرافتیا وزارت واپاری منہ وخت مست رکھ خلکوسس‘ ہندی کہول آ تیار مروک منہ لگژری گڑاتیا ہم جی ایس ٹی ءِ ودفنگ نا سلاہ تننگانے۔ آئی ایم ایف نا مزاحمت نا سوب آن حکومت فلڈلیوی نافذ کننگ ءِ پد بٹینے۔ سگریٹ آ زیات خراج ناسوب آن غیرکانودی واپاری مننگ اٹی ءِ ہرانا سوب آن قومی خزانہ ءِ سال انا 100ارب نا نسخان مننگ ءِ‘ سیلز ٹیکس انا کچ ءِ 17 غان ودفسا 18درسَد فیصلہ کننگ نا فیصلہ کننگانے‘ سیلز ٹیکس انا اسہ درسَد کچ انا ودفنگ آن 50 ارب آن زیات نا ودکی باریم تمک‘ لگژری گڑاتیا ڈیوٹی نا کچ ءِ 25درسَد اسکان سرکننگ کن حکومت تیاری تے پورو کرینے‘ لگژری گڑاتیاخراج خلسا 60 آن 70 ارب روپئی کٹیا نا گمان ارے‘ ایف بی آر سگریٹ آ دمدستی ایکسائز ڈیوٹی نافذ کرینے‘ ہرانا نوٹیفکیشن جاری کننگانے۔9000 آن زیات انا ہندی اسہ ہزار سگریٹ آ 16500 روپئی ایکسائز ڈیوٹی خلنگا‘ 9000 روپئی آن کم اسہ ہزار سگریٹ آ 5 ہزار 50 روپئی ایکسائز ڈیوٹی خلنگک، حکومت پگہ بیگہ اسکان آئی ایم ایف تون اسٹاف لیول معاہدہ کننگ خواہک‘ وزارت خزانہ نا حوالی نا رد اٹ ایریٹڈ مشروب آتیا ایف ای ڈی نا کچ 13 درسَد آن ودفسا 20درسَد کننگ نا سلاہ تننگانے وخت اس کہ نان ایریٹڈ مشروب آتیا 10درسَد فیڈرل ایکسائز ڈیوٹی خلنگک‘ہوائی ٹکٹ آ ہم سیلز ٹیکس نا کچ ءِ ودفنگک۔ وزات خزانہ نا حوالی نا رد اٹ سیلز ٹیکس انا اسہ درسَد کچ ودنگ آن 50 ارب آن زیات انا ودکی باریم الس ءِ سگوئی تمک۔ کل گڑاتیا سیلز ٹیکس انا کچ ءِ 17 غان ودفسا 18درسَد کننگا۔ جاری کروک نوٹیفکیشن نا رد اٹ ڈبہ ٹی بند کل گڑاتیا سیلز ٹیکس ءِ ودفنگانے‘ کنوئی آ تیل‘ بسکوٹ، جیم، جیلی، نوڈلز کل کبین مسر‘ چناتا گوازی کروک گڑا‘ چاکلیٹ، ٹافی کل آ سیلز ٹیکس ودفنگا‘ نیاڑی تیکن میک اپ نا گڑا‘ مسکارہ‘ کہ اسٹک، سب آ 18 درسَد سیلز ٹیکس خلنگانے۔ نوٹیفکیشن نا رد اٹ شیمپو، کریم، لوشن، صابون و ٹوتھ پیسٹ آ ہم سیلز ٹیکس 18 درسَد کننگا‘ ہیئر کلر، ہیئر ریموو کریم، ہیئر جیل و ہیئر سیرم آ سیلز ٹیکس 18 درسَد کننگا، شیونگ فوم، شیونگ جیل، شیونگ کریم و شیونگ بلیڈ آتیا سیلز ٹیکس 18 درسَد کننگا‘ کمپیوٹر، لیپ ٹاپ و گیجٹس آتیا سیلز ٹیکس 18 درسَد کننگا‘ موبائل، اسمارٹ فون، آئی پوڈ آتیا سیلز ٹیکس 18 درسَد کننگا‘سَد آ الیکٹرونکس آ سیلز ٹیکس 18 درسَد کننگا‘ ٹی وی، ایل ای ڈی و ایل سی ڈی سیلز ٹیکس 18 درسَد کننگا‘ جوسر، بلینڈر‘ شیکر و ایلو الیکٹرنکس مشینری تیا سیلز ٹیکس 18 درسَد کننگا‘ گاڈی تا شیمپو، گاڈی تے چمک تروک آ کریم و ایلو گڑاتیا سیلز ٹیکس 18 درسَد کننگا وخت اس کہ پرفیوم و برانڈڈ عطر آ ہم سیلز ٹیکس 18 درسَد کننگا۔

(آن لائن)