پاک فوج انا کنڈآن زمی جمب آن زہمی ترکیہ کن کمک نا چرجوئی برجا
Get real time updates directly on you device, subscribe now.
اسلام آباد : پاکستان نا سلہہ بند فوج انا کنڈآن مشکل نا ساہت اٹی ترکیہ کن پدریسہ کمک برجاءِ۔ ترکیہ ٹی زمی جمب آن پد بھاز انگا پاکستانی طالب علم و خاہوت ترکی آن وطن آ پدی بننگ نا چاری ئسر۔ پاکستان ایئر فورس انا کنڈآن اسپیشل جہاز انا کمک اٹ ترکیہ ٹی اختہ پاکستانی خاہوت و طالب علم آتے پدی پاکستان آ اتنگا۔ ترکیہ غان اتوک آ پاکستانیک پاکستان آ سرمرسا سلہہ بند فوج خاص وڑاٹ پاکستان ایئر فورس انا منت واریءِ ہرفیر داکان بیدس ایئر فورس انا پین مشن ہم این ڈی ایم اے و فارن آفس نا توسط اٹ ترکیہ ٹی اختہ پاکستانی تے وطن آپدی اتنگ کن تیار ءُ۔ ترکیہ نا صوبہ ادیامان اٹی جم وڑاٹ پاکستان آرمی نا اربن سرچ و ریسکیو ٹیمک 91 ہند آتیا سرچ آپریشن کریر وخت اس کہ 39 ہند آتیا ریسکیو آپریشن کریر۔ داوخت آ 8 بندغ ءِ زندہ کشار وخت اس کہ 5 زند ہ بندغ آتا پیدواری ءِ ہم کریر و 138 لاش آتے کیرغ آن کشسا وارث آتا دوٹی تننگا۔
(اے پی پی)