مچ آ ملک اٹی 24 گھنٹہ ٹی کورونا دین انا 21 کیس رپورٹ
Get real time updates directly on you device, subscribe now.
اسلام آباد : مچ آ ملک اٹی 24 گھنٹہ ٹی کورونا دین انا 21 کیس رپورٹ مس و 12 ناجوڑ آتا حالیت نازرک ءِ۔ چارشنبے نادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی 4 ہزار 391 کورونا ٹیسٹ کننگا ہرافتیان 21 بندغ آتا ٹیسٹ مثبت بس، ہندا وڑ دا مد اٹی کورونا ٹیسٹ انا مثبت کچ 0.48 درسد ئسک۔ داکان بیدس داوخت آ کورونا دین آن اسہ ناجوڑ اس ہم زوال متنے وخت اس کہ 12 ناجوڑ آتا حالیت نازرک ءِ۔ مچ آ ملک انا چندی شار تیٹی 24 گھنٹہ ٹی کروک آ ٹیسٹ آتیان کراچی ٹی 201 ٹیسٹ کننگا ہرافتیان 8 ناجوڑ آتا ٹیسٹ مثبت بس و ہموڑے مثبت کیس آتا کچ 3.98 درسد ئسک۔ ہندا وڑ لاہور اٹی 637 ٹیسٹ آتیان 4 ٹیسٹ مثبت بس و ہموڑے مثبت کیس آتا کچ 0.63 درسد ئسک، ملتان اٹی کروک آ 411 ٹیسٹ آتیان اسہ ٹیسٹ اس مثبت بس و ہموڑے کچ 0.24 درسد ئسک وخت اس کہ اسلام آباد اٹی 449 ٹیسٹ کننگا ہرافتیان 4 ٹیسٹ مثبت بس و مثبت کیس آتا کچ 0.89 درسد ئسک۔
(اے پی پی)