اولیکو وار ملک اٹ مروک ڈیجیٹل مردم شماری اہم ءِ، سہیل بلوچ

0

Get real time updates directly on you device, subscribe now.

کوئٹہ : کمشنر کوئٹہ ڈویژن سہیل الرحمان بلوچ نا کماشی ٹی ہفتمیکو ڈیجیٹل مردم شماری کن فراہم کروک آ سکیورٹی و ایلو انتظامہ آتا جاچ انا بابت اٹ اسہ میٹنگ اس اڈ ہلک ہراٹی ایف سی 151ونگ کرنل زبیر، ڈپٹی کمشنر کوئٹہ شہک بلوچ، ڈپٹی کمشنر قلعہ عبداللہ نور محمد,ایس ایس پی آپریشنز زوہیب محسن،ڈائرئکٹر لوکل گورنمنٹ ظفر اقبال،ڈائرئکٹر ایجوکیشن،ڈی ای او فیمیل و باقی پیشن و چمن کیڈپٹی کمشنر آک ویڈیو لنک نا کماشی بشخ ہلکر۔ دیوان آن تران کرسا کمشنر کوئٹہ ڈویژن سہیل الرحمن بلوچ پارینے کہ ملکی تاریخ اٹ اولیکو وار ڈیجیٹل مردم شماری مننگ اٹی ءِ، ہراکہ بھاز اہمیت تخک و ہرانا تیاری کن ضلعی انتظامیہ و ایلو ادارہ غاک کاریم کننگ اٹی ءُ۔ او دا جوان ءُ ہیت اسے کہ ڈیجیٹل مردم شماری ءِ جوان وڑ اسے ٹی پورو کننگ کن او تینا انتظام آتے پورو کرینے۔ مردم شماری اسہ بھلو ٹریننگ اسے نا وڑاٹ مریک ہرا بھلو وخت اس چکک۔ وخت اس کہ کل اسٹیک ہولڈر آک باہمی کمک و یکسوئی سیاس اہم و قومی فرض آتے پورو کیر۔ ڈیجیٹل مردم شماری نا بابت اٹ گڑاس ایشو مون آ بننگ اٹی ءِ ہرافتے بھاز زوت ضلعی انتظامیہ ایلو ادارہ غاتون ملسا ایسر کیر و ساڑی حالیت آتے مون آتخسا سیکورٹی نا بابت اٹ کل گام گیج کرسا تینا گڈیکو مرحلہ غاتیٹی ءُ۔ ہرافتیٹی پولیس و ایف سی نا کڑد بھاز جوان و ہراڑے گرج مرے اوڑے لیویز و پاک فوج نا خدمت آتے ہلینہ اوڑان بیدس سکیورٹی و مردم شماری نا انتظام آتے فول پروف کننگ کن کنٹینجینسی پلان ہم بھاز زوت ترتیب تننگک۔ او پارینے کہ مردم شماری اسہ قومی فریضہ اسے انتئے کہ آبادی و وسیلہ غاتے بریبر کرسا ملکی شونداری نا کسر تیا تالان کننگ کیرہ وخت اس کہ الس ہم مردم شماری ٹی سہی معلومداری فراوان کے تانکہ مردم شماری ءِ سرسہب کننگے۔

(خ ن)

Get real time updates directly on you device, subscribe now.

Leave A Reply

Your email address will not be published.