زیات وڈی خوری والا ملک آتیٹی ویل آک زیات مننگ ءُ، آئی ایم ایف

اسلام آباد (اے پی پی) جہانی مالیاتی فنڈ(آئی ایم ایف) پارینے کہ وڈی خوری نا زیات کچ والا ملک آتیٹی جان جوڑی، تعلیم و راجی آسراتی و رکھ انا بشخ آک زہمی مننگ ُ۔ داہیت ءِ جہانی مالیاتی فنڈ انا مالیاتی امور نا ڈائریکٹر وکٹر گیسپر و ڈپٹی ڈائریکٹر پاولوماوروتینا اسہ آرٹیکل اسے ٹی پارینے۔ اوپارے کہ وڈی خوری نا سوب آن حکومت آک السی فائدہ و فائدہ ہرفنگ کن گچین و شفاف پالیسی جوڑ کننگ اٹ بے سہب مریرہ ہرانا سوب آن اوفتیا الس نا پت اٹ کمتی بریک داکان بیدس وڈی خوری نا سوب آن ہراپیسہ غاک روڈ، خوانفوک ادارہ و ہسپتال آتیا خڑچ مریر او وڈی خور آتا جیب تیٹی کارہ۔ اوحساب وکتاب نا بابت پارے کہ ہراملک آتیٹی وڈی خوری نا کچ زیات ءِ ہموڑے کٹیا تے یکجا کننگ نا کچ ہم بھاز کم مریک انتئے کہ دا ملک آتیٹی زیات پیسہ رشوت و کک بیک انا دروشم اٹ کاریم اٹ اتنگک داحالیت اٹی جم زرگزران ءِ تینا نت تیا سلفنگ نا کوشست بے سہب مریک، وڈی خوری نا زیات کچ والا ملک آتیٹی جی ڈی پی نا کچ اٹ خراج ہلنگ اٹ 4 درسد کم خراج یکجا مریک۔ اوپارے کہ وڈی خوری نا بیخ کنی کن سیاسی عزم و شفاف ادارہ غاتا جوڑ کننگ المی ءِ داڑتون اوار اوار ادارہ جاتی اصلاحات ، کسبی سول سروس نا ٹہیفنگ، وڈی خوری نا توننگ کن پوسکن آ ٹیکنالوجی نا کاریم اٹ اتنگ، و ملک آتا نیام اٹ کمکاری ءِ پین مون آ دننگ المی ءِ۔