یوئیفا چیمپینز لیگ نا 65 میکو ایڈیشن کوارٹر فائنل راؤنڈ اٹ سر مس

لزبن (مانیٹرنگ ڈیسک) یوئیفا چیمپئنز فٹبال لیگ ٹورنامنٹ نا کوارٹرز فائنل لائن اپ مکمل مسنے۔ کوارٹرز فائنل مرحلہ پرتگال اٹ بنا مسنے۔ اٹلانٹا، پیرس سینٹ جرمین، لیپزگ، اٹلیٹک، بارسلونا، بائرن، مانچسٹر سٹی و لیون نا ٹیمک ٹاپ ایٹ راؤنڈ اٹ سر مسنے۔ یو ای ایف اے نا کنڈآن اڈ ہلوک یورپ نا پریمیئر کلب فٹ بال ٹورنامنٹ نا 2019–20ء نا یو ای ایف اے چیمپینز لیگ نا 65 میکو سیزن ءِ او 28 میکو سیزن آن پد اونا پن ءِ بدل کرسا یورپیئن چیمپیئن کلبز کپ تون یوئیفا چیمپینز لیگ کننگانے۔ یوئیفا چیمپینز لیگ نا 65 میکو ایڈیشن کوارٹرز فائنل راؤنڈ اٹ پترینگانے او اٹلانٹا، پیرس سینٹ جرمین، لیپزگ، اٹلیٹک، بارسلونا، بائرن، مانچسٹر سٹی و لیون نا ٹیمک ٹاپ ایٹ راؤنڈ اٹ سر مسنے۔ ٹاپ ایٹ مرحلہ ٹی سر مروک آ ٹیم تا نیام اٹ ٹورنامنٹ نا کوارٹر فائنل مرحلہ بنا مسنے و 15 اگست آ ایسر مریک۔ ٹورنامنٹ نا اولیکو کوارٹر فائنل میچ اٹلانٹا و پیرس سینٹ جرمین نا نیام اٹ مریک۔ ارٹمیکو کوارٹر فائنل میچ تدوک آ دے 10 لیپزگ و اٹلیٹک نا نیام اٹ گوازی کننگک، مسٹمیکو کوارٹرز فائنل میچ بارسلونا و بائرن نا ٹیم نا نیام اٹ 14 اگست آ گوازی کننگک وخت اس کہ چارمیکو گڈیکو کوارٹرز فائنل میچ اٹ مانچسٹر سٹی و لیون نا ٹیمک سیمی فائنل نا دوئی کننگ مون مقابل مریک، دا میچ 15 اگست آ گوازی کننگک۔ یات سلے کہ ٹورنامنٹ اولیکو سیمی فائنل میچ 18 اگست وخت اس کہ ارٹمیکو سیمی فائنل میچ 19 اگست اٹ گوازی کننگک۔ ٹورنامنٹ نا سرسہبی نا فیصلہ 23 اگست آ مریک۔