سعودی حکومت نا حج ءِ منسوخ کننگ نا بابت سجفنگ نا بنا

ابوظہبی: 1932ءاٹی سعودی مملکت نا جوڑ مننگ آن پد اولیکو وار اینخو حج ءِ منسوخ کننگ نا بابت سجفنگ انگ ءِ۔ درملکی خبر ایجنسی نا رد اٹ سعودی عرب نا وزارت حج و عمرہ نا اسہ بڑزکو کہولی عہدیدار اس پارے کہ کورونا وائرس نا کیس آک اسہ لکھ آن گدرینگانو۔ ہندا سوب آن حکومت دا سال حج ءِ منسوخ کننگ نا بابت سجفنگ اٹی ءِ۔ او پارے کہ دا ہیت آ اسُل سنجیدہ مرسا سجفنگ انگ ءِ۔ و دا بابت ہر پلّو نا خوڑتی اٹ جاچ ءِ ہلنگ انگ ءِ، وخت اس ک ہباضابطہ پڑو اسہ ہفتہ سے ٹی کننگک۔رپورٹ نا رد اٹ مارچ اٹی ہراتم کورونا وائرس نا تالانی نا ودنگ نا بنا مس، تو سعودی عرب غٹ ملک آتے پاریسس کہ اوفک حج پلان ءِ تورر، وخت اس کہ عمرہ غا رکھ خلنگا۔ منہ سعودی کمامدار اسے نا خیال ءِ کہ دا سال حج ءِ منسوخ کننگے، رپورٹ نا ردا ٹ اِرا بڑزکو کہولی عہدیدار دا ہم پاریر کہ منہ بندغ اسے حج انا موکل تننگ نا ہیت چلینگ انگ ءِ۔ ہرانا رد اٹ بھلا وئی انا بندغ آتیا رکھ و سخت طبی رکھی گام گیج آتیا عمل کننگک، و اگہ بھاز سختی کننگا تو سعودی عرب نا کساس نا رد اٹ اوڑتون کل گنجائشت نا بیرہ بیست درسَد ءِ حج انا موکل تننگ مریک۔

(آن لائن)