قطبی وزیرستان: سی ٹی ڈی ٹیم آ جلہو، 3 دزگیر دوبہ دار زوال
ورندی سم کاری ٹی 4 دہشتگرد ہم خلنگار، دہشت گرد آک تینا سنگت آتے نرفنگ کن بسوسر،ترجمان سی ٹی ڈی
Get real time updates directly on you device, subscribe now.
قطبی وزیرستان : قطبی وزیرستان اٹ کاؤنٹر ٹیررازم ڈیپارٹمنٹ (سی ٹی ڈی) نا ٹیم آ دہشت گرد آتا جلہو اٹ دزگیر مروک 3دوبہ دار خلنگار۔ سی ٹی ڈی نا ورندی کارروائی ٹی کالعدم تنظیم نا پین چار دہشت گرد ہم خلنگار۔ ترجمان سی ٹی ڈی نا رد اٹ دہشت گرد آک قطبی وزیرستان نا علاقہ میران شاہ غان بنوں غا دوبہ دار آتے دروک آ اسکواڈ آ جلہو کریر‘ دہشت گرد آتا سم کاری آن دزگیر ہر مسٹ آ دوبہ دار آک خلنگار وخت اس کہ سم کاری آن کالعدم تنظیم نا 4 پین دہشت گرد ہم خلنگار۔ ترجمان نا رد اٹ دہشت گرد آتا گڑاس سنگت نن انا تارمئی نا سوب آن نرار۔ واقعہ تدوک آ نن میر علی بائی پاس آ پیش بس۔ ترجمان نا رد اٹ خلنگوک دہشت گرد آک سکیورٹی فورس و پولیس آ دستی بمب جلہو و ٹارگٹ کلنگ نا زموار ئسر۔ دہشت گرد آتیان 4 شارٹ مشین گنز،کارتوس و پین گڑا دوئی کننگا۔ ترجمان سی ٹی ڈی نا رد اٹ دہشت گرد آک تینا سنگت آتے نرفنگ خواہسرہ‘ خلنگوک دہشت گرد آک تھانہ کینٹ آ دستی بمب جلہو و کانسٹیبل افتخار نا ٹارگٹ کلنگ نا زموار ہم ئسر۔ سکیورٹی فورس و پولیس نا کارندہ غاک علاقہ ٹی سرچ آپریشن نا بناءِ کرینو۔
(آن لائن)